蝙蝠之謎

專登捧wandy場，結果賺左四張免費，yeah!!
唔肯定係咪第一次睇opera，總之感覺不錯，
有戲睇、有歌聽，仲有成隊交響樂團伴奏。
同平時聽Strass唔同，有人唱感覺更豐富。
總係留意埋d邊緣野，
其中一位扮演實Q的先生，
可能企響度無聊得濟，搔癢竟然俾我見到!
成套劇三粒鐘頗長，但幾好睇，
更重要係第一次坐三樓，居高臨下。
Break完我地仲特登轉位，個感覺勁似包廂，
彷彿成為歐洲貴族，自製樂趣，甚佳!
超愛聽女高音，唱到某個key開始入心入肺，
好似coming咁，令人暈眩。
想起某年響Czech的一場concert，
地方小觀眾區區十數人，
我與女高音距離不過十呎，
開始聽無乜特別，德文完全聽唔明，
明唔明有時真係全無關係，
當佢唱到某個key我便開始溶化，
eleanor叫我唔好再用「驚為天人」來形容，
咁我就具體將之形容為「天女散花」，
首次明白點解咁多人鐘意聽歌劇，
那種震撼至今難忘。