男人終極願望

「據丹麥科學研究所研究顯示，
老夫少妻的子女多數有較高智商，
表表者如孔子(父母相差五十四年)、
愛恩斯坦(父母相差十一年)，
還有貝多芬、柴可夫斯基等。……
丹麥曾對一九九零至二零零五年死亡人口進行調查，
發現如果妻子比丈夫年輕七至九年，
丈夫早死機率下降百分之十一。
如果妻子年輕十五至十七年，
丈夫早死機率更可降低百分之二十。……
若妻子比丈夫年長七至九年，
妻子會早死的機率上升百分之二十。
年長十五至十七年更升至百分之三十。」
陳頌紅〈男人終極願望：老夫少妻〉《信報》090608

呢段剪報千祈唔好俾男人睇，
今次有埋科學數據去justify溝靚妹。
兄弟們，我地同靚妹一齊唔係為左激情、
唔係為左佢又白又滑又嫩既皮膚、
唔係為左佢無敵既青春同可人，
而係有生死猶關既理由——
A：希望下一代聰明d
B：希望自己長命d
多麼漂亮的開脫，鑽石級數的藉口。
最遺憾既係，我知道靚妹青春無敵皮膚又好，
但我鐘意既都係姐姐，享受唔到靚妹既bonus。
就好似d人知道自己同性戀，
講到尾係一個gene既問題，
我只能夠認命，鬼叫我鐘意咩，
唯有拼命找理由讓自己好過些。
A：我唔想生個太高智商既細路，
一d童真都無，唔可愛又唔過癮，
而且聰明無用既，有智慧先緊要嘛。
B：妻子比丈夫年長，妻子早死機會增，
咁咪岩岩好一齊死囉，簡直係完美結局。