豬肉榮

榮哥赤膊持刀，
少婦凝神傾聽。
好嫩口的豬腩，
好入味的豬骨，
好迷人的豬事。

三人行

囡囡向前衝了一段，回頭一望，跑回爸媽身旁；
夫婦拖手慢步前行；
囡囡又往前衝了一段，回頭一望，又再跑回爸媽身旁。

青春的氣燄

「窮兇極惡地，帶著初生之犢的勇氣，見一個愛一個。」
日中睇到邁克呢句勁野，覺得好有力量，感受到咄咄迫人的年輕銳氣；
晚上聽到一見鐘情的浪漫故事，當年迷戀烈火戰車的少女，
以激情為油盡情燃燒，青春，早已化成一縷輕煙絕塵而去；
講者輕描淡寫，聽眾如火如荼。

遺傳

落雨走去淋雨，著拖鞋踢水，
阿媽係咁個女又係咁，
浪漫得無藥可救。

Yale

Tim哥返黎度假，大家都興緻勃勃追問他的耶魯生活。
第一等學府，唔用二手資料，
全部讀原典直接comment，
果然係孕育思想家既搖籃。
關於耶魯d女，根據Tim哥觀察，
有3,4成屬於XL和XXL以上，
有1,2成係天姿國色，
名符其實的又靚又叻，
再次證明呢個世界係唔公平既。
問佢識到幾多個，
佢話好少，只有4,5個左右，
Tim哥你好野!!!

對手

一別已是兩年，
上次見靚女Ivy好多野都未決定，
尋日知佢又讀左個MBA，而家教緊OU，
仲夠擔同我講上年全年只係上左八堂，
黎緊六、七月去美、加開conference順便遊埠，
嘩，如果我唔係擁有世界上最好既工，
一定羡慕死我，好彩好彩!!!