有為，你點呀有為？

一個勁brunch，四粒鐘六間店，食盡各家名菜，都只係七成飽。
玩足成個下午，乜都無食；回程途中拆開手信，食鬼晒。
「我有d，肚餓呀!」

天上人間

大排檔Brunch，香料極重地道風味，當地人親切，
奇蹟是越食越多，價錢越收越平。
半山皇宮Dinner，天風吹響加live jazz，
美食、音樂、煙與酒，極盡奢華。

Bravo

阿里士多德話，變得有勇氣的方法就是去做一些有勇氣的事。
我一直視之如真理，不斷去做一些自己不敢做的事。
今年做了幾件一直唔敢做的事，Bungy Jump是最後一件，
想象了很多次上到去可能會好驚唔敢跳。
好啦終於有機會，撘車去到望見跳台，
望住唔覺得驚，我就知道唔會好驚。
上到跳台頂，風好大，五十米望落去原來都幾高。
在跳台上唔可以諗太多，唔可以俾自己驚，預備好就跳，3,2,1……
Proved!

廚房男

烹飪班實在太吸引，上市場買菜，親自下廚，
煮完又有得食，唯一的問題是價錢太貴。
於是我們動起壞腦筋，想到做訪問這條絕世好橋，
成功安排免費cooking class!
記者影相，我煮埋他的份兒，天呀做廚真不簡單，
一日之內煮八碟餸，對於從不下廚的我，
過足癮有找，比滑浪還要疲倦。
但煮出來的食物十分似樣，色香味俱全，
正宗泰國風味，好難相信是我自己煮的。
成日攪左七個幾鐘，仲可以同老闆兼大廚詳談，攰死都抵。
她談到最近來了一個學徒，放棄做了十幾年的會計事業走來學廚，
說在這裡找到她的天地。一直喜歡這種關於'calling'的故事，
甚至覺得必須有這種經歷人生才得完滿。

surfing diary

第一日跟師傅，學得好快輕易上板。
第二日三頭肌好攰，唔夠力玩得唔好，退步感覺好差。
第三日體力不足，浪板撞爆嘴唇，入院縫了七針。
第四日至第七日休息，唔係有人勸仲想繼續surf，
結果玩更刺激的jet-ski同bungy。
第八日傷口癒合未拆線都照surf，試用短板失敗，果然要高手先用得。
第九日睇完比賽先surf，游出中海學會點避浪，肩骨好攰。
第十日有兩次good ride食正浪，時間幾長咁企響度，仲成功踏板。
第十一日用7呎2中板效果ok，更覺得長板好易handle。
第十二日再跟師傅學打橫surf，知道點樣走橫線，有進展感覺甚佳。